Ресей кіргізуге тыйым салды: Қазақстаннан барған тауық етінен инфекция табылды

Қазақстандық өндіруші Макинск құс фабрикасы өнімдерінен жүйке жүйесін зақымдайтын инфекция табылды, деп хабарлайды Orda.kz.

РБК мәліметінше, Ресейге Алтай арқылы Қазақстаннан баратын Макинск құс фабрикасы өнімдерінен инфекция табылды. Сатушыларға өнімді айналымнан алып тастау туралы ескертіліп, зертханалық бақылауға жіберілді.

Салқындатылған бройлер тауық еті партиясынан сынамаларды департаменттің Алтай аймағы және Алтай Республикасы бойынша бөлімшесінің қызметкерлері қаңтар айында алған.

«Россельхознадзор қарамағындағы «Бүкілресейлік жануарлар денсаулығы ғылыми-зерттеу институты» Федералдық мемлекеттік бюджеттік мекемесінің Алтай филиалында құс етіне жүргізілген зертханалық зерттеулер өнімдерде Listeria monocytogenes инфекциясы бар екенін көрсетті. Бұл биыл анықталған бірінші бұзушылық», — деп хабарлады Россельхознадзор.

Алайда кейінірек бұл ақпарат ведомствоның сайтынан жоғалып кетті. Қазақстан ауыл шаруашылығы министрлігі ресейлік тараптан зертханалық зерттеулердің расталған мәліметтерін әлі алмағанын түсіндірді.

Listeria monocytogenes адам мен жануарлардың қауіпті жұқпалы ауруы листериоз қоздырғышы.

Инфекция орталық жүйке жүйесіне және ұрпақты болуға әсер етеді. Листериоз шикі немесе шала пісірілген лас тағамдарды, ең алдымен жануарлардан алынатын өнімдерді, теңіз өнімдерін және басқа да тағамдарды тұтынудан пайда болады.

Листериоздың инкубациялық кезеңі 90 күнге дейін созылуы мүмкін, бірақ әдетте бір-екі аптаға созылады. Симптомдарға дене қызуы, қалтырау, жүрек айну, бұлшық ет ауруы және диарея жатады. Егер инфекция жүйке жүйесіне таралса, бас ауруы, мойынның қатаюы, құрысу пайда болуы мүмкін және адам тепе-теңдікті жоғалта бастайды. Листериоз әсіресе жаңа туған нәрестелер мен жүкті әйелдер үшін қауіпті, бұл түсікке алып келуі мүмкін.