Ресей Қазақстанда үш жылу электр станциясын салады

Ресей Қазақстанда үш жылу электр станциясын салады. Бұл туралы премьер-министрінің орынбасары Серік Жұманғарин Қазақстан мен Ресей шекаралық ынтымақтастықтың ХІХ өңіраралық форумында жасаған баяндамасында айтты.

«Ресей тарапының Қазақстандағы үш ЖЭО жобаларын жүзеге асыруға қатысуы туралы бүгін тиісті құжатқа қол қойылады. Қол қоюды күтіп отырмыз» деді Жұманғарин.

Сонымен қатар, тараптар Ресейден ағаш жеткізуге келісті. Жыл соңына дейін Қазақстан-Ресей шекарасында ағаш материалдарын әкелу үшін жаңа теміржол бекеттері (қолданыстағы алтыдан басқа) ашылады.

Жұманғарин сонымен қатар қазақстандық темір рудасы шикізатын ай сайынғы транзитпен қамтамасыз ету мүмкіндіктерін қарастыруға уәде берді.

Елдер әуе қатынасын да кеңейтеді. Атап айтқанда, QAZAQ AIR әуе компаниясының Новосібір мен Челябіге ұшатын рейстердің саны артады.