Ресей Қазақстанда АЭС сала ма? Энергетика министрлігі «Росатомға» жауап берді

Энергетика министрлігі «Росатом» корпорациясының басшысы Алексей Лихачевтің Ресей Қазақстанда бірінші атом электр станциясын салуға бірлесіп қатыса алады деген мәлімдемесіне жауап берді, деп хабарлайды Orda.kz.

Министрліктің хабарлауынша, Қазақстан билігі атом электр станцияларын салу бойынша технологиялар мен шешімдердің әлеуетті жеткізушілерімен «бәсекелестік диалогын» аяқтады. Росатом шынымен де әлеуетті мердігерлердің қысқа тізімінде бар. Бірақ бұл тізімге ресейлік ұлттық ядролық компаниядан басқа кореялық KHNP, қытайлық CNNC және француздық EDF кіреді.

Министрлік Қазақстанның бірінші атом электр станциясын салу үшін жеткізушіні немесе консорциумды таңдау бойынша түпкілікті шешім әлі қабылданбағанын атап өтті.

Ол «Қазақстанның ұлттық мүдделерін, халықаралық нормалар мен міндеттемелерді ескере отырып» 2025 жылы қабылданады.