Ресей Қазақстан мұнайының Германияға транзитін тоқтату жайлы мәлімдеді

Reuters агенттігінің мәлімдеуінше, Ресей Қазақстанға өз аумағы арқылы қазақстандық мұнай транзитінің тоқтатылуы мүмкін екенін ескерткен, деп хабарлайды Orda.kz.

Өз басылымында Reuters ақпарат көздеріне сілтеме жасай отырып, маусым айының басында Қазақстан мұнайының Ресей Федерациясы аумағы арқылы Германияға транзиті тоқтатылуы мүмкін деп жазды. Оған себеп – поляк мұнай құбыры операторы төлемдерінің кешігуі. Reuters ақпарат көздерінің хабарлауынша, «Транснефть» компаниясы Қазақстан билігіне тиісті ескерту жіберген.