Ресей ядролық күштерді жоғары дайындық режиміне ауыстырды

Ресей президенті Владимир Путин әскери күштерді жоғары дайындық режиміне ауыстыру туралы бұйрыққа қол қойды. Оның ішінде стратегиялық ядролық күштер де бар.

Владимир Путин қорғаныс министрі Сергей Шойгу және Бас штаб басшысы Валерий Герасимовпен кездесіп, негізгі әскери күштерді жоғары дайындық режимені ауыстыруға бұйырық берген.

«НАТО жетекші мемлекеттерінің лауазымды тұлғалары біздің елге қатысты қатаң мәлімдемелер айтуда, сондықтан қорғаныс министрі мен Бас штаб басшысы Валерий Герасимовке Ресей әскерінің негізгі күштерін жоғарғы әскери кезекшілік режиміне ауыстыруға бұйырамын» деді Владимир Путин. 

Айта кетсек, негізгі әскери күштер Ресейге қарсы агрессияны ұстап тұру үшін және агрессорларды жоюға арналған. Онда ядролық қаруларды пайдалануға рұқсат берілген.