Ресей ІІМ Қазақстандағы саясаттанушыға іздеу салды

Қазақстанда жұмыс істейін Екатерина Шульманға Ресей үкіметі іздеу салды, деп хабарлайды Orda.kz КазТАГ-қа сілтеме жасап. 

Саясаттанушының фотосуреті Ресейдің ІІМ-нің базасында пайда болды. Екатерина Шульман 2023 жылдың қаңтар айынан бастап Астанадағы М.Нәрікбаев атындағы университетте профессор болып қызмет атқарған. Саясаттану пәнінен сабақ берген. Алайда университеттің баспасөз қызметі Екатерина Шульманның қазіргі таңда оқу ордасының профессоры емес екенін хабарлады. Онымен еңбек шарты 2024 жылдың 1 тамызында бұзылған екен. Сонымен қатар ол Берлиндегі Ресей мен Еуразияны зерттеу бойынша Карнеги орталығының ғылыми қызметкері. 

Ресейде Шульманға «шетелдік агенттер туралы» заңды бұзғаны үшін айып тағылғаны анықталды.