Ресей елшісі Никонов пен Жириновскийге қатысты не айтты?

Ресейдің Қазақстандағы елшісі Алексей Бородавкин ресейлік депутаттардың Қазақстан аумағы туралы мәлімдемелеріне түсініктеме берді.

«Хабар 24» эфирінде елшіден Ресей депутаттарының Қазақстан территориясы туралы мәлімдемелеріне деген көзқарасы туралы сұралды.

«Мен бұл мәлімдемелерді сахналағым келмейді. Бұл орынсыз мәлімдемелер Ресейдің ресми ұстанымына айқын қайшы келетінін атап айтамын. Біздің елдер арасындағы шекара келісіммен бекітілген. Ол бүкіл ұзындығы бойынша бөлінген. Ресей-Қазақстан шакарасы бойынша күн тәртібінде аумақтық шағымдар жоқ. Мұндай мәселелер талқыланбайды», - деді ол.

Оның пікіріне сүйенсек, Ресей «Қазақстанның егемендігін, тәуелсіздігін, аумақтық тұтастығын құрметтейді». Ол сондай-ақ әскери ынтымақтастық туралы келісімге мысал келтірді. Оған сәйкес Қазақстан мен Ресей бір-бірінің аумақтық тұтастығы мен егемендігін өзара қорғауға міндеттеледі.

«Қазақстан мен Ресей арасындағы шекара - бөлетін сызық емес, бұл бізді біріктіретін шекара. Менің ойымша, аумақтық тақырыпты қыздырушылар Ресей мен Қазақстан арасындағы достық қатынастарға зиян келтіру мақсатын көздейді. Қазақстандық мемлекеттіліктің қазіргі шекарасында қалыптасуының көпғасырлық тарихына келетін болсақ, бұл біздің ғалымдарымыздың зерттеу тақырыбы, ол біздің достас мемлекеттеріміздің арасындағы сыртқы саяси қақтығыстардың себебі емес», - деп атап өтті ол.

Кеше ғана Бородавкин «Комсомольская правдаға» берген сұхбатында қазақстандықтар орыс тілін нығайтып, балаларға оны тереңдетіп оқыту керек дегенді айтқан болатын.