Ресей елден кеткен азаматтарға салықты өсірмекші

Ресей Федерациясы Мемлекеттік Думасының (Ресей парламентінің төменгі палатасы) спикері Вячеслав Володин тelegram арнасында осындай хабарлама жариялады.

Оның айтуынша Ресей үкіметі елден кеткен азаматтарға берілетін барлық жеңілдіктерді алып тастап, сол арқылы олардың салықтарын көбейтпекші.

— Елімізді тастап кеткендерге оларды елге оралту үшін жеңілдіктер мен басымдықтар беру керек деп есептейтіндер бар. Бұл дұрыс емес. Олардың не себепті қашқаны түсінікті. Ол өзінің қателескенін,  Қоғам олардың әрекетін қолдамайтынын түсінуі керек – ол еліне, туыстарына, достарына опасыздық жасаған болып саналады, - дейді Володин.

Володин Ресейден кеткен және әлі де ресейлік компанияларда қашықтан жұмыс істеп жүрген азаматтар барлық жеңілдіктерге ие екенін атап өтті. Ал, оның ойынша, олар үшін бұл жеңілдіктерді алып тастау дұрыс болар еді.

— Бірақ бүгінге дейін кеткендер ресейлік компанияларда қашықтан жұмыс істеп қана қоймай, еліміздің заңнамасына сәйкес ол беретін барлық жеңілдіктерді пайдаланады. Ресей Федерациясынан кеткендер үшін басымдықтарды жою және олар үшін жоғарылатылған салық мөлшерлемесін енгізу қажет. Бұл әділдік болар еді, - деді Ресей Мемлекеттік Думасының спикері.

Ол Ресей үкіметі заңнамаға тиісті өзгерістер енгізумен айналысып жатқанын айтты. РБК хабарлауынша, қазіргі уақытта елден кеткен, бірақ Ресейде бизнесін жалғастырған немесе ресейлік компанияларда жұмыс істейтін ресейліктер 13% деңгейінде жеке табыс салығын  (жоғары жалақы  үшін 15% салық) төлеуі тиіс.

Бұл қызметкер Ресейдің салық резиденті болып қалған жағдайда.

Ал егер ол елдің салық резиденті болуды тоқтатса (ол үшін жылдың 183 күні шетелде болуы керек), бұл міндеттеме жойылады.