Ресей ЕАЭО елдеріне астық сатып алуға квота береді

ЕАЭО елдері 25 наурызға дейін өндіріс-тұтыну балансын ұсынуы керек.

Еуразиялық экономикалық одақ елдері Ресейден астық сатып алуға квота алады, деп хабарлайды tazabek интернет-басылымы. Бұл туралы 23 наурызда өткен брифингте Қырғызстанның экономика және сауда министрінің орынбасары Эльдар Әлішеров мәлім етті.

— ЕАЭО елдері ұсынатын баланстар негізінде Ресей Федерациясы әр ел үшін квоталарды әзірлейді. Бұл мәселе іс жүзінде шешілді. Наурыздың 25-іне дейін біз өз балансымызда – кімге астық сатып алу керек екендігі туралы ақпарат беруіміз керек. ЕАЭО-да астық сатып алмайтын жалғыз ел – Қазақстан. Басқа елдер сатып алуға ниет білдірді. Ешқандай қиындық көріп тұрған жоқпыз, мәселе шешілді деуге болады, - деді Әлішеров.