Ресей депутаттары соғысқа қарсы шықты

Мәскеудегі Гагаринск муниципалды округінің депутаттар кеңесі Украинаға қарсы басталған соғысты айыптап, Владимир Путинді ол жерден әскерлерді дереу шығаруға шақырды.

BBC хабарлағандай, Ресей президентіне жолдаған хатында депутаттар Украинаға қарсы соғысты «апатты жағдайға айналды» деп атады.

«Бұл елдің кері кетуі мен кедейленуіне апаратын жол. Басқа ешбір әрекет Ресей экономикасына бұдан артық зиян келтіре алмайды» делінген үндеуде.

Бұған дейін Хамовники Мәскеу ауданының депутаттар кеңесі де соғысқа қарсы мәлімдеме жасаған болатын.

Еске салсақ, Ресей президенті Владимир Путин Донбас республикалары басшыларының үндеуіне жауап ретінде арнайы әскери операция жүргізу туралы шешім қабылдап, Украинаға қарсы соғыс жариялады. Алайда Ресей басшысы Мәскеудің жоспарында Украина аумақтарын басып алу жоқ екенін айтқан болатын.