Ресей делегациясына  БҰҰ-дағы кездесуге виза берілмеді

Ресей сыртқы істер министрі Сергей Лавров пен оның делегациясының Нью-Йоркке кіруі үшін Ресей АҚШ-тан 56 виза сұрады. Онда қыркүйектің жиырмасы күні БҰҰ жанындағы әлем көшбасшыларының жыл сайынғы кездесуі өтеді.

БҰҰ-дағы Ресей елшісі Василий Небензя БҰҰ Бас хатшысы Антониу Гутерришке жазған хатында Вашингтонның соңғы бірнеше айда бірқатар Ресей азаматтарына, соның ішінде БҰҰ-ның басқа делегаттарына «кіру визаларын беруден бірнеше рет бас тартқанын» бұл жағдайдың «алаңдарлық» әрекет екенін мәлімдеді.

1947 жылғы БҰҰ штаб-пәтері туралы келісімге сәйкес, Америка Құрама Штаттары әдетте шетелдік дипломаттардың БҰҰ-ға кіруіне рұқсат беруі керек. Бірақ Вашингтон «қауіпсіздік, лаңкестік және сыртқы саясат» себептерімен виза беруден бас тарта алатынын айтады.

АҚШ пен Ресей арасындағы қарым-қатынас Ресей Федерациясы мен Украина арасындағы әскери қақтығыстардан кейін нашарлады. Ақпан айында Вашингтон Лавровты «Ресейдің Украинаға арандатушылықпен және  заңсыз басып кіруіне тікелей жауапты» деп айыптап, оған қарсы санкциялар салған.

Мәскеу БҰҰ отырысына қатысу үшін 56 виза сұрағаны белгілі. Жиын 20 қыркүйекте басталады. Делегация құрамында дипломаттар ғана емес, Лавровпен бірге жүрген журналистер, сондай-ақ ұшақ экипажы да бар. Дегенмен БҰҰ-ның ресми өкілі Эри Канеко Ресей делегациясына виза беру бойынша келіссөздер жүріп жатқанын айтты.