Ресей де Батысқа қарсы кері санкциялар дайындауда

Ресей Федерациясы Батысқа қарсы жеке санкциялар тізімін дайындауда, бірақ оны әлі жариялаған жоқ.

Ресей батыстық саясаткерлерге, кәсіпкерлерге және басқа да тұлғаларға қарсы жеке санкциялар тізімін жариялауды жоспарлап отыр. Құзырлы органдардың айтуынша, батысқа жауап қазірдің өзінде дайындалып, «салқынқандылық» ретімен жоспарланып отыр.

«Тізімдер дайын. Біз оны дайындап жатырмыз. Бұл, жалпы алғанда, күнделікті жұмыстың бір бөлігі. Санкцияларға қалай және қандай деңгейде жауап беру керек екенін алдын ала айту дұрыс емес шығар» деп келтіреді РИА Новости Сыртқы істер министрінің орынбасары Сергей Рябковтың сөзін.

Оның айтуынша, Мәскеу «салқынқандылық танытады». Сонымен қатар, Рябков  Ресей билігінің енгізілген шектеулерден келетін шығынды барынша азайтуға мүмкіндігі бар деп есептейді.

— Біз американдықтардан кез келген уақытта кез келген қулық күтуге болатынын  білеміз. Біз қазір көріп отырған  жағдайға дайындалдық. Оның көп айтылып жүрген арнайы операцияға еш қатысы жоқ, - деді ол.

Рябков Батыспен сенімді қатынас туралы айтудың қажеті де жоқ деп есептейді.

Айта кетейік, соңғы бірнеше жылда Ресейге қарсы екі мыңнан астам санкция салынған. Ал 24 ақпанда басталған Украинамен ашық әскери қақтығыстан кейін санкциялар тізімі екі есеге жуық артты.