Ресей азаматтарының Қазақстанда кәсіпкерлікпен айналысу шарттары белгілі болды

Ресей азаматтарының Қазақстанда кәсіпкерлікпен айналысу шарттары аталды, деп хабарлайды Мемлекеттік кірістер департаменті.

«Қазақстан Республикасында тұруға ықтиярхаты бар Ресей Федерациясының, Тәжікстанның, Қырғызстанның, Беларусьтің, Арменияның азаматтары біздің елімізде кәсіпкерлікпен айналыса алады. 2017 жылғы 1 қаңтардан бастап дара кәсіпкер (ЖК) ретінде тіркеу хабарлама тәртібіне көшірілді, оған сәйкес жеке тұлға  жеке кәсіпкер ретінде тіркелу үшін мемлекеттік кірістер органына мемлекеттік кірістер органына кәсіпкерлік қызметтің басталуы туралы хабарлама береді»  деп хабарлады  баспасөз қызметі.

Салық органдары түсіндіргендей, қызметтің басталуы туралы хабарламаны egov.kz порталы, e-Salyq бизнес мобильді қосымшасы, екінші деңгейлі банктердің мобильді қосымшалары, сондай-ақ жазбаша түрде  Мемлекеттік кірістерге қызмет көрсету орталықтары арқылы жіберуге болады.

«Тіркеу хабарлама жіберілген күннен бастап бір жұмыс күні ішінде жүзеге асырылады. Жеке кәсіпкерлерді тіркеу туралы ақпаратты www.kgd.gov.kz сайтында Электрондық қызметтердегі «Салық төлеушілерді іздеу» қосымша бетінде көруге болады» деп толықтырды мемлекеттік кірістер департаменті.

Сондай-ақ,  салық органдары 2014 жылғы 29 мамырдағы Еуразиялық экономикалық одақ туралы келісімге сәйкес,  Қазақстан Республикасының азаматтары, кандастар, сонымен қатар Ресей Федерациясының, Тәжікстанның, Қырғызстанның, Беларусьтің, Арменияның бейрезиденттері, Қазақстан аумағында тұрақты тұратын, жеке кәсіпкер ретінде қызметті жүзеге асыра алады, яғни тұруға ықтиярхаты бар.

«2021 жылғы 1 қаңтардан бастап жеке тұлғаларды – резидент еместерді, шетелдіктерді және азаматтығы жоқ адамдарды тіркеу, оның ішінде ЖСН қалыптастыру, тіркеу деректеріне өзгерістер және (немесе) толықтырулар енгізу,  жеке тұлғалардың ЖСН алып тастау Мемлекеттік кірістер комитетінің құзыреті Қазақстан Республикасы Ішкі істер министрлігіне берілді»  деп атап өтті Мемлекеттік кірістер департаменті.