Ресей Қазақстанның жаңа ақпарат министрімен жұмыс істеуден бас тартты

Россотрудничество басшысы Евгений Примаков Қазақстанның жаңа ақпарат және әлеуметтік даму министрі Асқар Омаровпен жұмыс істеуден және байланыс орнатудан бас тартатынын айтты.

Ол өзінің Telegram-каналында жаңа ақпарат министрі Асқар Омаровтың көптеген дәйексөздерін мұқият оқып шыққанын айтқан. Примаков өзінің жазбасында саясаткердің бірнеше мәлімдемесін келтіріп, Омаров мырзаның орыстар туралы жағымсыз пікір жазатынына көңілі толмайтындығын атап өтті.

«Россотрудничество руссофобпен ешқандай байланыс орнатпайды, жұмыс істемейді және ынтымақтаспайды, бұл біздің аталған министрмен өзара әрекеттесуімізге толықтай кедергі жасайды» деп жазды Примаков.

Сонымен бірге, ол Россотрудничествоның саяси күреске бармайтынын және егеменді мемлекеттердің ісіне араласпайтынын баса айтты.

«Қазақстан Президенті Қасым-Жомарт Тоқаев қазір елдің қалыпты өмірін қалпына келтіру жұмысында өте қиын кезеңді бастан кешіріп жатыр деп есептеймін. Оған ҰҚШҰ күштері, оның ішінде 3 мың ресейлік әскери қызметкер көмек көрсетті» деп жазды Россотрудничество басшысы.

Бұл ретте ол мұндай ымыраға келулер екі халық арасындағы достыққа нұқсан келтіре алмайтынына, Омаров өзінің шовинистік көзқарасынан көпшілік алдында бас тартатынына сенім білдірді.

Министрдің өзі мұндай жарияланымдарды оның имиджін қорлау әрекеті деп атады.

«Мен ондай адам емеспін. Бұрынғы барлық лауазымдарда мен ресейлік және басқа серіктестермен жемісті жұмыс жүргізуге тырыстым. Біз бірлескен жақсы жобаларды, соның ішінде ортақ мерекелерде, мысалы, Жеңіс күнін және т.б. бірлесе жүзеге асырдық. Мен. Ресеймен одақтастық қарым-қатынастардың қаншалықты маңызды екенін түсінемін. Ресей Федерациясының біздің елімізге көрсеткен қолдауы құрмет пен ризашылық тудырады» деді Омаров.

Еске салсақ, кеше Қазақстан президенті Қасым-Жомарт Тоқаев республика үкіметінің жаңа құрамы туралы жарлыққа қол қойды.