Ресей Қазақстанның уран өндіру саласына инвестиция салуды жалғастырады

Бұл туралы бүгін премьер-министр Әлихан Смайыловпен кездесуде «Росатом» бас директоры Алексей Лихачев мәлімдеді.

Премьер-Министрдің баспасөз қызметінің хабарлауынша, кездесу барысында тараптар энергетика саласындағы ынтымақтастықтың кең ауқымды мәселелерін, соның ішінде елдердің уран өндіру жобалары бойынша ынтымақтастықты кеңейтуді талқылады.

Сонымен қатар, тараптар атом энергетикасы саласындағы ынтымақтастықтың келешегін қарастырды.

Кездесу қорытындысы бойынша Әлихан Смайылов пен Алексей Лихачев қолданыстағы жобаларды сәтті жүзеге асыру үшін тығыз ынтымақтастықты жалғастыруға және өзара тиімді серіктестіктің жаңа бағыттарын талқылауға дайын екендіктерін растады.