Ресей Қазақстанды басып алмай ма деп Назарбаевтан тіке сұрадым – Исабеков

Қазақтың белгілі жазушысы, драматург Дулат Исабеков журналист Нартай Аралбайұлына сұхбат беріп, әртүрлі бағытта әңгіме өрбітті. Сұхбат барысында жазушы қазақтың 30 жыл бойы мақтанумен келе жатқанын айтты.

– 30 жыл болды біз мақтанумен келе жатырмыз. Путин олай мақтанып жатқан жоқ. Америка, Қытай, Франция сияқты елдер мақтанбайды. Олар үлкен істі үндемей тындыра береді. Қазақстанның бүкіл байлығы елдің алға шығуына итермелеп тұрған жоқ па? Мақтана-мақтана Өзбекстанды алдымызға шығардық. Мұны біздің мемлекет мойындағысы келмейді, қазақтың психологиясында мақтангершілік басым. Қанында бар нәрсе. Біздің руымыздан пәленбай батыр, ақын шыққан деп мақтанамыз. Ал бүгінгі рухына қарасаң, сол батырлар қайда деп ойлайсың. Қазақтың мақтаншақтығымен қатар, төзімділігі тағы да бар, - деді Исабеков.

Дулат Исабеков Англияға бара жатқанда Назарбаевпен жолыққанын еске алды. Сол сәтте Ресейде ауыр жағдай болып жатқан екен. Исабеков былай деп сұрайды: Нұреке, Украинадағы жағдай қабырғамызға батты. Украинада 25 млн халық, бізде 12 млн қазақ. Біздің басымызға сондай күн туса не істей аламыз?.

– Менде түнімен ойлап шықтым. Бізде бір ғана нәрсе қалыпты. Бізге айла, ақыл, саясат, дипломатия керек, - деді Нұрсұлтан Назарбаев.

Сұхбаттың толық нұсқасын мына жерден көруге болады.