Ресей Қазақстанға Бауыржан Момышұлы туралы сирек мұрағат құжаттарын тапсырды

Орыс тарих қоғамы мен Нұр-Сұлтандағы Орыс үйі «Еңбек ерлігі  қалалары» жобасының тұсаукесерін өткізді.

Орыс тарих қоғамы Нұр-Сұлтандағы Орыс үйінің күшімен табылған Бауыржан Момышұлы туралы сирек мұрағат құжаттарын Қазақстанға тапсырды.

— Бүгін біз қазақстандық достарымызға Ресей мемлекеттік қоғамдық-саяси тарих мұрағатында сақтаулы тұрған аса маңызды құжаттардың көшірмелерін табыстап жатырмыз. Бұл ортақ тарихымыз үшін баға жетпес құнды материалдар Кеңес Одағы Батырының  жауынгерлік ерлігі мен жазушылық еңбегімен байланысты. Аты аңызға айналған Панфилов дивизиясының бригада командирі Бауыржан Момышұлы, - деді марапаттау рәсімінде Ресей тарих қоғамы басқармасының төрағасы Константин Могилевский.

Орыс тарих қоғамы мен Нұр-Сұлтандағы Орыс үйі 1941-1945 жылдардағы Ұлы Отан соғысы жылдарындағы тыл еңбеккерлерінің ерлігін мәңгілікке қалдыру болып табылатын «Еңбек ерлігі қаласы» жобасының тұсаукесерін өткізді. «Еңбек Ерлігі қаласы» құрметті атағы тұрғындары жаппай еңбек ерлігі мен жанқиярлық таныта отырып, өнеркәсіптік кәсіпорындарда әскери және азаматтық мақсаттағы өнімдерді үздіксіз өндіруді қамтамасыз ету арқылы Жеңіске жетуге елеулі үлес қосқан қалаларға беріледі.

Тұсаукесерде Жеңіске елеулі үлес қосқан Қазақстанның бірнеше қалаларының қоғамдық ұйымдары мен оқу орындары жүргізген ғылыми-зерттеу жұмыстарының нәтижелері ұсынылды.

Сондай-ақ, Қазақстан Республикасы Қарулы Күштерінің Әскери-тарихи мұражайының ғылыми қызметкерлері әзірлеген «Қазақстанның әскери құрамалары Ұлы Отан соғысы майданында», «Қазақстанның Ұлы Отан соғысы жылдарындағы әскери тарихы» атты бірегей тарихи басылымдардың тұсаукесері өтті.

Тарих ғылымдарының докторы Бүркітбай Аяған екі ел тарихшыларының біріккен еңбегі – «Сағы сынбаған халық: ортақ жеңістен ортақ жадқа» атты еңбегін, сондай-ақ аты аңызға айналған Панфиловшылар дивизиясының жауынгерлік жолы туралы «Намыс пен парыз» кітабын таныстырды.

Ресей мемлекеттік қоғамдық-саяси тарих мұрағаты қорындағы Кеңес Одағының Батыры Бауыржан Момышұлына қатысты құжаттар тізімі: