Ресей Америкадан қорқады: Украинадағы соғыс 2025 жылы аяқталуы мүмкін

Зеленский Украинадағы соғыс 2025 жылы аяқталуы мүмкін екенін мәлімдеді, деп хабарлайды Orda.kz.

Володимир Зеленский польшалық журналистрге берген жауабында, Ресей бастаған соғыс 2025 жылы аяқталуы мүмкін деп болжады.

Трамп соғысты аяқтағысы келеді. Ол Ресейге қысым жасай алатын көшбасшы. Ресейдің Америка мен Қытайдан қорқатынына сенімдімін. Біріккен Еуропадан қорқады. Трамп мәжбүрлей алады. Біз Трамппен Украина үшін қауіпсіздіктің нақты кепілдіктері бар екенін келісуіміз керек және ол Путинді осы соғысты аяқтау үшін дипломатияға мәжбүр етуі керек, деді Зеленский.

Дональд Трамптың инаугурациясы 2025 жылдың 20 қаңтарында өтеді. Сайлау науқаны кезінде ол Ресей мен Украина арасындағы соғысты тез тоқтата алатынын мәлімдеді.