Ресей академиясынан ҰҚҚ-ға дейін көтерілген Руслан Сарқұлов туралы не белгілі?

25 қыркүйекте Руслан Сарқұлов Қазақстанның Ұлттық қауіпсіздік комитеті (ҰҚК) төрағасының орынбасары болып тағайындалды. «Ақжайық» газеті ҰҚК-нің ресми сайтында жарияланған оның өмірбаянын қарап шыққан. Рұслан Сарқұловтың бұрын РФҚҚ (ФСБ) академиясын бітіргені белгілі болды, деп хабарлайды Orda.kz.

Сарқұлов 1998 жылы Ресей Федерациясы Федералдық қауіпсіздік қызметі Академиясын бітіріп, 25 жылдан астам уақыт бойы Қазақстанның ұлттық қауіпсіздік саласында жұмыс істеді. 1993-2009 жылдары офицерлік қызметтерде болса, 2009-2024 жылдары жетекші лауазымдарда қызмет атқарды. 2023 жылы оған ұлттық қауіпсіздік генерал-майоры атағы беріліп, «Айбын» I және II дәрежелі ордендерімен марапатталды.

Оның лауазымды қызметтердегі отбасы да жұрттың назарын аударды. Русланның туған бауыры - Ұлан Сарқұлов 2023 жылдың қазан айында Сыбайлас жемқорлыққа қарсы қызмет басшысының бірінші орынбасары болып тағайындалған. Тағы бір бауыры -  Абай 2022 жылы президент Тоқаевтың сынынан кейін Қазақстанның Даму банкі басқармасы төрағасы қызметінен кеткен.

Еске сала кетсек, Руслан Сарқұлов Мемлекет басшысының өкімімен Қазақстан Республикасы Ұлттық қауіпсіздік комитеті Төрағасының орынбасары лауазымына тағайындалды.