Ресей АҚШ-тан Қазақстанда әскери база құрмауды талап етті

Ресей Америка Құрама Штаттарынан (АҚШ) Қазақстанда әскери базалар құрмауды және оны Солтүстік Атлантикалық Шарт Ұйымына (НАТО) кіргізбеуді талап етті.

– Америка Құрама Штаттары НАТО-ның шығыс бағытта одан әрі кеңеюін болдырмауға, бұрын Кеңестік Социалистік Республикалар Одағының (КСРО) құрамында болған мемлекеттерді одаққа қабылдаудан бас тартуға әрекет жасайды, - делінген хабарламада.

Айта кетейік, Құжатты Ресей Сыртқы істер министрлігі ұсынған.

– АҚШ бұрын КСРО құрамында болған және НАТО-ға кірмейтін мемлекеттердің аумағында әскери базалар құрмайды, олардың инфрақұрылымын кез келген әскери қызмет үшін пайдаланбайды және олармен екіжақты әскери ынтымақтастықты дамытпайды, - делінген шарт жобасында.

Айта кетейік, Қазақстан КСРО ыдырағаннан кейін ең соңғы болып шықты. Кеңес Одағына Қазақстан мен Ресейден басқа Әзірбайжан, Армения, Беларусь, Грузия, Қырғызстан, Латвия, Литва, Молдова, Тәжікстан, Түркіменстан, Өзбекстан, Украина және Эстония кірді.