Ресей АҚШ-пен тұтқын алмасу мәселесін қарай бастады

Ресейдің  АҚШ-пен тұтқын алмасу мәселесін қарай бастағаны туралы Ресей сыртқы істер министрлігінің ресми өкілі Мария Захарова RTVI телеарнасына  берген сұқбатында мәлімдеді.

Енді Мәскеу мен Вашингтон арасында тұтқын алмасу мүмкіндіктері қарастырылатын болады. Сонымен қатар Мария Захарова екі елдің тұтқын алмасу процесі жария түрде талқыланбауы тиіс екендігін шегелеп айтты.  

—  Біз ашықтықты насихаттайтын мекемеміз, бірақ кейде тыныштық сақтауы тиіс кездер болады, - деді Ресей сыртқы істер министрлігінің ресми өкілі.

Бұл туралы Ресей президенті Владимир Путин Джо Байденмен кездесуден кейінгі баспасөз мәслихаты кезінде де атап өткен. Ол АҚШ пен Ресей тұтқын алмасуда ортақ мәмілеге келуі мүмкін деген пікір айтқан боолатын.