Ренжіген күйеуі бұрынғы әйелінің «Шевроле» көлігін өртеп жіберген

Ер адамның айтуынша, әйел оны үйінде түнеп шығуға  рұқсат бермеген, соған ашуланып, бұрынғы әйелінің көлігін өртеп жіберген.

Оқиға Ақтөбеде болды, 43 жастағы ер адам бұрынғы әйеліне қонаққа келген, ол есікті ашпаған. Одан бірнеше күн бұрын ол тіпті әйелдің үйінде  түнеп шықпақшы болған, әйел кіргізбеген. Ашуға булығып, ренжіген ер адам спорттық күртешесін шешіп, өртеп жіберіп, бұрынғы әйелінің көлігінің астына салып кеткен, деп жазады «Диапазон».

 «Ол маған түнеуге рұқсат бермеді, телефонды көтермеді. Мен ашуланып көлікті өртеп жібердім », - деді ер адам сотта өзінің жөнсіз әрекетінің себебін түсіндіру барысында.

Көлікті қалпына келтіруге мамандардың айтуынша, 4 миллион теңгеден астам қаражат қажет. Нәтижесінде бұрынғы күйеуі 4 жылға бас бостандығын шектеу жазасына кесілді (ол жазасын бостандықта  өтейтін болады, бірақ кейбір шектеулер бар). Сонымен қатар,  жәбірленушіге келтірілген зиянды өтеуге міндетті.