Рейдтер су айдындарында жалғасуда

Жазғы кезеңде судағы қауіпсіздік еліміздің бірқатар өңірлерінде ерекше бақылауда болады.

Павлодар облысы ТЖД қызметкерлері тұрғындарға судағы қауіпсіз жүріс-тұрыс ережелерін еске сала отырып, Ертіс өзенінде рейдтік іс-шаралар өткізді. Қарапайым ережелерді мүлтіксіз орындау құтқарушыларға су айдындарында қайғылы жағдайдың алдын алуға көмектеседі.

Сонымен қатар, ШҚО ТЖД қызметкерлері су айдындарында қауіпсіздік ережелерін сақтау қажеттілігі туралы азаматтардың назарын аудара отырып, жаппай демалыс орындарында профилактикалық жұмыстарды күшейтті.

Өңірде Ұлан өзенінің Алибастр су қоймасындағы демалыс орындарының бірінде полиция қызметкерлері мен еріктілер бірлескен рейд өтті. Мұнда шомылуға тыйым салынады, бұл туралы су қоймасының айналасында қойылған белгілер бар. Бірақ соған қарамастан демалушылар шомылады, қауіпсіздік ережелерін бұзады, алкоголь ішімдіктерін ішеді.

 200-ге жуық адам рейдпен қамтылды, онда азаматтарға шомылу маусымында қауіпсіздік ережелерін бұзғаны үшін әкімшілік жауапкершілік туралы еске салынды, ал 9 демалушы ҚР ӘҚБтК 412, 364 және 440-баптары бойынша жауапқа тартылды.