«Реал» Алматының Орталық стадионы бойынша УЕФА-ға шағымданды

«Реал» футболшылары УЕФА-ға Алматыдағы Орталық стадион алаңындағы шөптің ұзын екенін айтып шағымданған. Футболшылар шөптің биіктігін қысқарту туралы өтініш айтты, деп хабарлайды Orda.kz.

«Реал Мадрид» матч алдында Орталық стадионның алаңындағы шөпті қайтадан шабуды өтінді. Бірақ бұл өтінішті UEFA қабылдамаған. Футболшылар шөптің биіктігі 25 миллиметр болғанын айтқан. Ал олар шөбінің биіктігі 20-дан 22 миллиметрге дейінгі алаңдарда ойнауға дағдыланыпты.

УЕФА-ның өтінішті қабылдамау себебі, шөптің қазіргі биіктігі регламентке сәйкес келеді екен. Шөптің биіктігі 30 миллиметрден аспаса, ойын жалғасады. 

Айта кетейік, 29 қыркүйек күні Алматыда «Реал Мадрид» ойыншыларын көруге мыңдаған жанкүйер жиналды – әуежайдан бастап қонақүйге дейін халық легі үзілмеді.