Рамзан Қадыров Украина әскерлеріне жаңа үндеу жасады

Шешенстан басшысы Рамзан Қадыров Мариупольдегі украиндық әскерилерге жаңа үндеу жасады. Ол әскерилер бір күнде берілу керектігін айтты.

«Мариупольдің айналасында және оның ішінде біздің  бес мыңға жуық ең мықты шешен жауынгерлеріміз бар. Тым болмаса бір рет бейбіт тұрғындар мен қаланың қамы үшін еркекке тән қадам жасаңдар. Тағы да қайталап айтамын, кешкісін тым кеш болады! Сендер лайықты өмір сүрмедіңдер, батыл соғыспайсыңдар және түбі шайтандар сияқты өлесіңдер!» деді Қадыров.

Шешенстаннан келген ресейлік гвардия бөлімшелері Мариупольге қарсы операцияға қосылды.

Кадыровтың орынбасары Адам Делимханов жақын арада қаланы басып алатынына сенім білдірді.