Рамзан Қадыров нацистер мен бандерашылдарға өлең арнады

Шешенстан басшысы Рамзан Қадыров өлең оқыған видеосын жариялаап, онда ол «нацистер мен бандерашылдарға» «Дин-дон» әнін үйретуге уәде берді.

Бұл туралы Қадыров өзінің Telegram-арнасында хабарлады.

«Поедая шницель венский и шлифуя старый слог, закудахтал по-чеченски неонацик бандерлог. Им не нравится артистам мой большой и мощный дон. Побежали все как крысы: Гончаренко и Гордон» дейді Қадыров өлеңінде.

Ол «ғажайып «Дин-дон» әнін үйретуге уәде берді. Шешенстан басшысы да бейнежазбаға: «Осылай, мені Киевте күтіңдер!» деді.

Еске салсақ, Ресей президенті Владимир Путин Донбас республикалары басшыларының үндеуіне жауап ретінде арнайы әскери операция жүргізу туралы шешім қабылдап, Украинаға қарсы соғыс жариялады. Алайда Ресей басшысы Мәскеудің жоспарында Украина аумақтарын басып алу жоқ екенін айтқан болатын.

2 наурыз күні таңертеңгі жағдай бойынша Ресей әскері 5840 адамнан айырылды. Сондай-ақ, 60-тан астам ұшақ пен тікұшақ, 862 бронетранспортер, 85 артиллериялық жүйе және басқа да көптеген техника жойылды. 28 ақпандағы жағдай бойынша 352 бейбіт тұрғын, оның ішінде 16 бала қаза тауып, 2040 адам жарақат алды.

Украина президенті Владимир Зеленский Ресей әскерінің шабуылдың алғашқы сағаттарынан бастап азаматтық инфрақұрылымға соққы беріп жатқанын айтты. Президенттің айтуынша, Ресей басқыншы әскерлерінің Украинадағы әрекеттерінде геноцид белгілері бар.

27 ақпанда Украина «басқыншылықты ақтау мақсатында геноцид ұғымын бұрмалағаны үшін Ресейді жауапқа тартуды» талап етіп, Халықаралық сотқа Ресейге қарсы шағым түсірді. Ресейдің Украинаға басып кіруіне қатысты тергеуді Халықаралық қылмыстық соттың прокуроры Кәрім Ханның өзі бастады.