RAMS QAZAQSTAN компаниясы су тасқынынан зардап шеккендерге 500 миллион теңге жіберді

RAMS QAZAQSTAN құрылыс компаниясы су тасқынынан зардап шеккен облыс тұрғындарына көмек көрсетуге, инфрақұрылымды қалпына келтіруге және қажетті өнімдерді сатып алуға жұмсалатын «Демеу Қазақстан Қоры» корпоративтік қорының шотына 500 миллион теңге аударды, деп хабарлайды Orda.kz.

Сонымен қатар, Қазақстандағы құрылыс нарығы көшбасшыларының бірі өңірлерді қолдау аясында Батыс Қазақстан облысына қалпына келтіру жұмыстары мен су тасқыны зардаптарын жою үшін арнайы техника мен құрал-жабдықтар түрінде көмек жіберді.

«Біз су тасқынынан зардап шеккен өңір тұрғындарына қаржылай қолдау көрсетуді шештік. Сондай-ақ өз ресурстарымызды пайдалана отырып, Батыс Қазақстан облысының жергілікті билігіне көмек көрсету үшін арнайы техника мен құрал-жабдықтар жібердік», - деп мәлімдеді RAMS QAZAQSTAN вице-президенті Доган Бюлбюл.