Рамазан айында Астанада қауіпсіздік шаралары күшейтіледі

Астанада Рамазан айында мешіттер мен адам көп жиналатын орындарда қауіпсіздік шаралары күшейтіледі, деп хабарлайды қала әкімдігінің баспасөз қызметі.

«Қауіпсіздік пен тәртіпті қамтамасыз ету мақсатында мүдделі мемлекеттік органдар Рамазан айында қоғамдық тәртіпті сақтауға ерекше көңіл бөледі. Мешіттерде және басқа да адам көп жиналатын орындарда қауіпсіздік шаралары күшейтіліп, тұрғындар үшін қауіпсіз және жайлы жағдай жасау қамтамасыз етіледі» деп жазылған хабарламада. 

Қазір қала әкімдігі Қазақстан мұсылмандары діни басқармасының Астанадағы өкілдігімен және мүдделі мемлекеттік органдармен бірлесіп, дайындық және ұйымдастыру жұмыстарын жүргізіп жатқаны хабарланды.