Құралай Нұрқаділова «Қасіретті қаңтарға» қатысты мәлімдеме жасады

Атақты дизайнер Құралай Нұрқаділова әкесі Заманбек Нұрқаділов туралы естеліктерімен бөлісіп, «ол тірі болғанда қасіретті қаңтарда ел басшысыз қалмайтынын» мәлімдеді.

«Әкем болғанда, Қазақстан қалай өзгерер еді деп көп жылдан бері ойланып келемін. Шенеуніктердің халықтың сұрағына қалай жауап беретінін не мүлдем елемейтінін әкемнің әрекеттерімен салыстырамын.

Оқиғаның алғашқы күндері басшысыз қалмайтын едік, оған нық сенімдімін. Ол қажетті сұрақтардың жауабын біледі, жағдайға білікті түрде иелік етіп, кез-келген сұраққа сауатты жауап беретін еді. Ешқандай «ммм, аааа, солай, өйткені» деген сөздерсіз. Ең бастысы, ол өзінің ауылдан шыққанын ұмытқан емес. Көкірегін керген емес, адасқан жастарға айтар сөз табатын. Тіпті, агрессивті қаны қызу жастарға да айтар сөз табатын еді. 

Екеуміздің соңғы жеке әңгімемізден үзінді: «Менің арым таза, өйткені халық үшін өмір сүрдім. Сен мұны мақтан тұта аласың, уақыт өте келе артығымен бағалайсың» деп жазды Заманбек Нұрқаділовтың қызы өз парақшасында.

Дизайнердің оқырмандары бірден оны қолдап, Заманбек Нұрқаділов туралы ойларымен бөлісті.

Еске салсақ, Заманбек Нұрқаділов - Қазақ КСР-і мен Қазақстан Республикасының мемлекет және қоғам қайраткері, саясаткер. Кеңес Одағы кезіндегі Алматы қалалық атқару комитетінің соңғы төрағасы. Бұдан кейін Нұрқаділов Алматы қаласының әкімі,  ҚР Парламенті Мәжілісінің депутаты, Алматы облысының әкімі, Төтенше жағдайлар агенттігінің төрағасы болған.

2005 жылдың 12 қарашасында Заманбек Нұрқаділов өз үйінде басы мен денесіне тиген оқтан көз жұмды.