Райымбек Баталов Бишімбаевтың сотында айтылған оқиғаға байланысты өз пікірін білдірді

Бизнесмен әрі «Атамекен» Ұлттық кәсіпкерлер палатасының төрағасы Райымбек Баталов өзінің Instagram парақшасына бейнежазба жариялап, Бишімбаевтың сөзін жоққа шығарды және БАҚ өкілдеріне оны таратпауды сұрады, деп хабарлайды Orda.kz порталы.

Бейнежазбада ол осы күнге дейін Бишімбаевтың соты тақырыбына түсініктеме бергісі келмегенін, бірақ айыпталушының айтқан сөзі оны мәлімдеме жасауға мәжбүр етіп отырғанын айтты.

«Менің атыма кір келтірген құбыжық мені мәлімдеме жасауға мәжбүр етті. Ауыр қылмыс жасағаны үшін айыпталған адамның аузынан шыққан сөздің бос сөз екенін айтқым келеді. Бұл өтірік. Бұған сенбеулеріңізді және БАҚ өкілдерінен бұл ақпаратты таратпауды сұраймын. Осындай жағдайға тап болған Салтанаттың отбасы мен достарына мен қайғыра көңіл айтамын» деп жазды Баталов өзінің Instagram парақшасында.