Райымқұлова отставкаға кетуі керек - Мұхамедиұлы

Мәдениет және спорт министрлігінің бұрынғы басшысы қазақстандық спортшылардың Олимпиадада сәтсіз өнер көрсетуінің себебі – ведомствода кадрлардың жиі ауысуы деп санайды.

Бұл туралы Orda.kz хабарлайды.

Мұхамедиұлы »Жетінші арна» эфирінде болып, Токио Олимпиадасында алған 8 қола медаль туралы айтқан.

Бұрынға мәдениет және спорт министрі Арыстанбек Мұхамедиұлы осы лауазымдағы ізбасары Ақтоты Райымқұлованы сынға алды. Оның пікірінше, ол отставкаға кетуі керек.

– Жеңіліс болған жағдайда, оны мойындау керек. Иә ол міндетті (кетуге - ред.). Бұл жерде иә немесе жоқ деген емес, кетуі керек. Жауапкершіліктен қорықпау керек, - дейді Мұхамедиұлы.

Ол сондай-ақ министрліктің Спорт және дене шынықтыру істері комитетінің басшысы Серік Сәпиевтің олимпиадаға жарты жыл қалғанда декреттік демалысқа шыққанын еске салды.

– Спорт комитетінің төрағасы Серік Сәпиевті Олимпиадаға алты ай уақыт қалғанда декреттік демалысқа жіберді. Тіпті, оны қызметінен босатпақ болған. Оның орынбасары Серік Жарасбаевты Олимпиадаға аз уақыт қалғанда орнынан алып тастады. Тур де Франс турнирінде 7-орын алған Алексей Луценконы тәрбиелеп жүрген Александр Винокуровты шеттетті, - деді Арыстанбек Мұхамедиұлы.