Райымқұлова ауыр атлетикадағы жанжалға қатысты пікір білдірді

ҚР Мәдениет және спорт министрі Ақтоты Райымқұлова ауыр атлетикадағы жанжалға қатысты пікір білдірді.

Еске салсақ, Альберт Линдердің өлімінен кейін ауыр атлетика федерациясының бас бапкері Бақыт Ахметов қызметінен босатылып, орнына жаттықтырушылар кеңесінің шешімімен  Дәурен Бекмұханбетов сайланған. Бірақ араға біраз уақыт салып, су жаңа бапкердің жұмысына әлі де кірісе алмай жүргені белгілі болды.

Министр оны былай деп түсіндірді:

«Талдықорғанда өткен рспубликалық чемпионаттан кейін бүкіл облыстардың бас бапкерлерімен отырыс болды. Солармен ақылдаса отырып, Дәурен Бекмахамбетов деген азаматты бас бапкер болуға лайықты деп есептедік. Жалпы заң бойынша, регламент бойынша біздің бұл ұсынымызды Федерация өз атынан Ұлттық Олимпиадалық комитетпен бірге министрліктің спорт комитетінде ұсыныс ретінде беруі керек» деді Райымқұлова.

Ол бұл мәселе жыл соңына дейін шешімін табатынына сендірді.

«Сонымен қатар, осы сұрақ біз жыл аяғында Ауыр атлетика федерациясында өтетін конференцияда да қарастырылады деп отырмыз. Бұл мәселе жыл соңына дейін шешіледі деп ойлаймын. Жалпы бәрі заң бойынша, рет-ретімен келе жатыр» деді министр.