Рахмет, Трамп – Зеленский

Украина президенті Владимир Зеленский АҚШ президенті Дональд Трамппен өткен келіссөздерден кейін әлеуметтік желіде жазба жариялады, деп хабарлайды Orda.kz.

«Рахмет, Америка, қолдау үшін рахмет, осы сапар үшін рахмет. Рахмет, Трамп, Конгресс және Америка халқы. Украинаға әділ әрі берік бейбітшілік керек, және біз дәл осы мақсатта жұмыс істеп жатырмыз», – деді ол өзінің X парақшасында.

Айта кетейік, Зеленский мен Трамп арасындағы текетірес Ақ үйдегі келіссөздердің жоспардан тыс аяқталуына себеп болды. Екі ел басшыларының бірлескен баспасөз мәслихаты өтпейтін болды.  

Келіссөздер барысында жағдай шиеленісіп, Трамп Зеленскийді рахметі жоқ деп айыптады және Ақ үйде құрметсіздік көрсетті деп кінә тақты. Осы сөздерден кейін Зеленский келіссөз залынан шығып кетті.  

Президенттер жеке кабинетте камералар мен журналистерсіз сөйлесуді жалғастырғанымен, бұл кездесудің нәтижесі бұқараға жарияланбады.