ҚР Президенті: Мемлекет мұқтаж адамдарға көмектесуі керек

cover

ҚР Президенті Қасым-Жомарт Тоқаев «Нұр Отан» партиясының «Өзгерістер жолы: барлығына лайықты өмір» сайлауалды бағдарламасының негізгі бағыттары туралы хабарлады.

«Біздің бағдарламада 4 негізгі басымдық бар. Біріншісі - әр азаматқа өз мүмкіндіктерін іске асыруға тең мүмкіндіктер беру. Біз әлеуметтік-экономикалық саясатта нарықтық тәсілдерді басшылыққа аламыз. Қаражаттар мен жеңілдіктерді негізсіз, орынсыз бөлуді тоқтату керек», - деді Қасым-Жомарт Тоқаев «Нұр Отан»партиясының ХХ съезінде.

Президенттің айтуынша, мемлекет мұқтаж адамдарға атаулы көмек көрсетуі керек.

«Ең бастысы - әлеуметтік әділеттілік. Сондықтан біз мұқтаж жандарға қамқорлық жасауға үлкен көңіл бөлеміз. Әлеуметтік саясатты жүзеге асыруда қиын жағдайға тап болған азаматтарға атаулы көмек көрсету шаралары күшейтіледі. Алдағы 5 жылда әлеуметтік төлемдерді жыл сайынғы индекстеуге 3 триллионнан астам теңге бөлінеді. Толық зейнетақының мөлшері де жыл сайын индекстелетін болады. Сонымен бірге біз мұны инфляция деңгейіне 2% қосу арқылы жүзеге асыруды ұсынамыз», - деп түйіндеді мемлекет басшысы.

Еске салсақ, «Нұр Отан» партиясының кезектен тыс ХХ съезі елордада Елбасы Нұрсұлтан Назарбаевтың төрағалығымен өтіп жатыр.

Жаңалықтар

барлық жаңалықтар