ҚР Қорғаныс министрінің орынбасары қызметінен босатылды

ҚР президенті Қасым-Жомарт Тоқаев ҚР Қорғаныс министрінің орынбасары Тимур Дәндібаевты қызметінен босатты.

«Мемлекет басшысының Өкімімен Тимур Тұрарұлы Дәндібаев Қазақстан Республикасы Қорғаныс министрінің орынбасары қызметінен босатылды» делінген Ақордада жарияланған хабарламада.

Тимур Дәндібаев 1969 жылы 2 маусым дүниеге келген.

Еңбек өтілі:

• Түркістан әскери округінің 12881 әскери бөлімінде қызмет (1990-1993);
• Алматы гарнизонының әскери автомобиль инспекциясында қызмет (1994-1997);
• Алматы облыстық гарнизоны Әскери полиция жасағында әртүрлі лауазымдарда қызмет атқарған (1997-2002);
• Алматы облыстық гарнизоны әскери полиция бөлімшесінің бастығы (2002-2007);
• ҚР Қарулы Күштері Әскери полициясы Бас басқармасы бастығының орынбасары (2007-2011);
• ҚР Қарулы Күштері Әскери полициясы Бас басқармасының бастығы (2011-2017 жж.);
• ҚР Қорғаныс министрлігі Бас басқармасының бастығы (2017-2019);
• ҚР Қорғаныс министрінің орынбасары (05.2019 жылдан бастап)

Тимур Дәндібаевтың орнына ҚР Қорғаныс министрінің орынбасары болып Камалетдинов Сұлтан тағайындалды.

Жарлық президенттің ресми сайтында жарияланды.

«Мемлекет басшысының Өкімімен Сұлтан Бүркітбайұлы Камалетдинов Қазақстан Республикасы Қорғаныс министрінің орынбасары болып тағайындалды, ол ҚР тұңғыш президенті – елбасы атындағы Ұлттық қорғаныс университетінің бастығы қызметінен босатылды» делінген хабарламада.

Сұлтан Камалетдинов 12 ақпан 1965 жылы дүниеге келген.

Еңбек өтілі:

• Штаб бастығы – танк батальоны командирінің орынбасары, танк батальоны, танк полкінің командирі, штаб бастығы – механикаландырылған дивизия командирінің орынбасары, ГСВГ танктік дивизиясының гвардиялық танк полкінің механикаландырылған бригадасының командирі (1986 - 2005);
• «Шығыс» өңірлік қолбасшылығы әскерлер қолбасшысы басқармасы штабы бастығының орынбасары (2006-2008);
• «Оңтүстік» өңірлік қолбасшылығы әскерлері қолбасшысының жауынгерлік даярлық жөніндегі орынбасары (01.2008-08.2008);
• Өңірлік қолбасшылық қолбасшысының бірінші орынбасары – «Оңтүстік» өңірлік қолбасшылығы әскерлер қолбасшысы басқармасының штаб бастығы (2010-2012);
• Өңірлік қолбасшылық қолбасшысының бірінші орынбасары – «Астана» өңірлік қолбасшылығы әскерлер қолбасшысы басқармасының штаб бастығы (2012-2013);
• «Астана» өңірлік қолбасшылығы әскерлерінің қолбасшысы (2013-15.11.2016);
• Қазақстан Республикасы Қорғаныс министрлігі Қарулы Күштері Құрлық әскерлері бас қолбасшысының бірінші орынбасары (2016-10.2019);
• Ұлттық қорғаныс университетінің бастығы. Қазақстан Республикасының Тұңғыш Президенті – Елбасы (10.2019 ж.)