Р.Гасанов: карантин сақталмаса, эпидемиологиялық жағдай күрделене түседі

Қазақстан Республикасының Сыбайлас жемқорлыққа қарсы қызметі жанындағы Республикалық арнайы мониторинг тобы төрағасының орынбасары Рафаэль Гасанов кәсіпкерлік субъектілерін қызметкерлер мен келушілердің денсаулығы үшін жауапкершілікті арттыруға шақырды.

— Карантин талаптарын жиі бұзатындар және мемлекеттің барлық қаулылары мен өтінімдерін қасақана бұзатын адамдарды, егер ол бизнес субъектісі болса  көптеген келушілер мен өз қызметкелері үшін жауап береді,  деді Р. Гасанов

Ол кәсіпкерлер мен қала тұрғындарын жауапкершілікті сезінуге және өз денсаулығына және айналасындағыларға қамқорлық жасауға шақырды.

— Өздеріңіз білесіздер, қазір күрт өсу белең алды, Алматы бойынша тек бүгіннің өзінде 360 адам КВИ жұқтырған. Біз қызыл аймақта тұрмыз. Егер барлық санитарлық-эпидемиологиялық талаптарды сақтамайтын адамдардың жауапсыз әрекеттері жалғаса берсе, жағдай одан сайын күрделене түседі. Мен барлық мейрамханалардан, сауда орталықтарынан, базарлардан мүмкіндігінше жауапкершілікті талап етемін, өйткені егер мұндай жауапкершілік болмаса, қала былтырғыдай мүлдем жабылады. Сондықтан бұған жол бермеу үшін барлығымыз санитарлық ережелерді қатаң сақтауымыз керек, деді ол.

Ол Алматылықтарды туыстары мен жақындарының өмірі мен денсаулықтарын сақтау үшін адамдар шоғырланатын шаралардан аулақ болуға, мүмкіндігінше қоғамдық орындардан бас тартуға, санитарлық нормалардың сақталуын күшейтуге шақырады.

Пандемияның барлық кезеңінде 4188 тексеру іс-шаралары жүргізілді, 22 400 нысан қамтылып, карантиндік шараларды бұзған 4994 нысан анықталды.

2020-2021 жылдарға арналған тексеру шаралары бойынша заңды тұлғаларға (кәсіпкерлік нысандарға) қатысты 191,3 млн тг 566 хаттама жасалды. Карантиндік ережелерді бұзғаны үшін 40 нысан (100 АЕК айыппұлмен)  өз қызметін тоқтатты.