ҚР Денсаулық сақтау министрлігінің бастамасымен әзірленген құжатты ДДС Ассамблеясы қабылдады

194 мемлекеттің қолдауы негізінде «Алғашқы медициналық-санитарлық көмектің жұмыс істеу механизмі» құжаты Дүниежүзілік денсаулық сақтау ассамблеясының 73-сессиясында қабылданды. ДДСҰ-ның жариялымы бойынша Қазақстан кезекті рет алғашқы медициналық-санитарлық көмек көрсетуді оңтайландыру бағытында әлем елдері алдында көш бастап отыр екен.

Негізгі мақсаты – азаматтардың денсаулығын жақсарту және денсаулық сақтау жүйесін нығайту. Пандемияның әлемді жаулаған уақытында, ДДСҰ Қазақстанмен бірге осы мақсатқа жетудің бес тетігін анықтады. Олар:

- денсаулық сақтау саласындағы оқшаулау мен әлеуметтік теңсіздікті азайту (жалпыға бірдей қамтуға қол жеткізу реформалары);

- адамдардың қажеттіліктері мен күтулеріне бағдарланған денсаулық сақтау қызметтерін ұйымдастыру (қызметтерді жеткізу саласындағы реформалар);

- денсаулық аспектілерін барлық секторларға біріктіру (қоғамдық саясат реформалары);

- ынтымақтастық модельдеріне сәйкес саяси диалог жүргізу (көшбасшылық қызметтегі реформалар);

- мүдделі тараптардың қатысуын кеңейту.

Жылдың қараша айының соңында алғашқы медициналық-санитарлық көмек көрсетудің жедел механизмін іске асыруға арналған іс-шараға ат салысуға ҚР Денсаулық сақтау бірінші вице-министрі Марат Шоранов шақырды. Сонымен қатар мемлекеттер арасында МСАК бойынша күш-жігерді біріктіру және одан әрі нығайту үшін арнайы құрылған топқа қосылуға ұсыныс білдірді.

2030 жылға дейінгі елдердің тұрақты даму мақсаттарында айтылған «денсаулықты сақтауды қамтамасыз ету, ешкімді назардан тыс қалдырмау» принципі коронавирус пандемиясы кезінде ерекше өзекті болып табылады