ҚР қаржы вице-министрі тағайындалды

Данияр Жаналинов ҚР Қаржы вице-министрі болып тағайындалды. Ақпаратты премьер-министрдің баспасөз қызметі растады.

Бұл туралы Orda.kz хабарлайды.

Мансабы:

Данияр Жаналинов 1975 жылы Алматы облысында дүниеге келген. Қазақ көлік және коммуникация академиясын бітірген. Мамандығы - инженер -экономист.

Еңбек жолын 2000 жылы Салық комитетінің Талдықорған қаласы бойынша заңды тұлғалардың салықтық тексеру секторында салық инспекторы болып бастады.

2002-2008 жылдары Алматы облысы бойынша Салық комитетінде әр түрлі қызметтер атқарды.

2008-2010 жылдары - Алматы облысы бойынша салық департаменті бастығының орынбасары.

2010-2014 жылдары Қаржы министрлігі Салық комитетінің құрылымында басшылық қызметтерді атқарды.

2014-2018 жылдары-Қаржы министрлігі Мемлекеттік кірістер комитетінің Солтүстік Қазақстан облысы бойынша Мемлекеттік кірістер департаментінің бастығы.

2018 жылдың шілдесінен қазіргі уақытқа дейін Қаржы министрлігі Мемлекеттік кірістер комитетінің Маңғыстау облысы бойынша Мемлекеттік кірістер департаментінің бастығы лауазымын атқарды.