Қызылордада күйеуі әйелін азаптап өлтірген

Қызылорда облысында жантүршігерлік қайғылы жағдай орын алды. Күйеуі әйелін азаптап өлтірен, марқұмның артында үш баласы қалды. Полицейлер күдікті ретінде 29 жастағы ер адамды ұстады. Марқұмның туыстары бұл қайғылы оқиғаға қатысы бар барлық адамдарды жазалауды талап етеді.

– Олар 2015 жылы үйленді, үш баласы бар. Күйеуі оны бірінші рет ұрып тұрған жоқ. Ол күйеуін әрдайым балалары үшін кешіретін – деп жазды туыстары.

Instagram желісіндегі nemolchi.kz парақшасында туыстары сол күні марқұмның күйеуімен бірге туған күнін атап өту үшін кафеге баруы керек болғанын айтты. Туыстары кісі өліміне қатысы бар адамдардың бәрін жазалауды талап етеді.

«Біз марқұмды қараусыз қалдырған полиция қызметкерлерін жауапқа тартуды талап етеміз! Нұрболдың ағасын кісі өлтіруші ретінде тану керек. Оның әйелін қылмыс туралы хабарламағаны үшін, ал караоке қызметкерлерін бейнежазбаны жойғаны үшін жазаға тарту керек. Отбасылық зорлық-зомбылықтың алдын алу туралы заңды қабылдаңыздар. Тағы қанша өлім керек? Қызылорда полиция департаментінің басшысы отставкаға кету керек» делінген жазбада.

Қызылорда облысының полиция департаменті аталған факті бойынша сотқа дейінгі тергеу жүргізіліп жатқанын хабарлады.