Қызылордада басы кесілген 26 ақбөкен өлексесі табылды

Полиция 26 ақбөкен өлексесін түгел тәркілеп, қылмыстық іс қозғады.

17 ақпанда полиция қызметкерлері мен «Охотзоопром» МКҚК қызметкерлері 37 жастағы аудан тұрғыны үйінің ауласын тексеріп, 26 бас киік өлексесін тапты.

«Қазіргі таңда сотқа дейінгі тергеу амалдары жүргізілуде. Қазақстан Республикасы Қылмыстық кодексінің 339-бабының 2-бөлігі бойынша «Сирек кездесетін және құрып кету қаупі төнген, сондай-ақ пайдалануға тыйым салынған өсімдіктер мен жануарлар түрлерімен, олардың бөліктерімен немесе дериваттарымен заңсыз айналысу» бойынша іс қозғалды»  деп жазады polisia.kz.

Күдіктіге қатысты бұлтартпау шарасын таңдау мәселесі шешілуде. Сараптама  тағайындалды. Оқиғаның мән-жайы анықталуда.