Қызылорда облысында кәсіпорынның екі қызметкері уланып, қайтыс болды

Қызылорда облысында «Казспектрстрой» ЖШС-нің екі қызметкері белгісіз заттан уланып, қайтыс болды.

Қайғылы оқиға  3 ақпанда болған.

Естеріңізге сала кетсек, «Казспекторстрой» ЖШС «Саут-Ойл» серіктестігінің қосалқы мердігері.

«Алдын ала мәлімет бойынша серіктестіктің екі қызметкеріне белгісіз затпен улану салдарынан жүрек жеткіліксіздігі диагнозы қойылған. ҚР Қылмыстық кодексінің 304-бабы «Санитарлық ережелерді немесе гигиена нормаларын бұзу» бойынша қылмыстық іс қозғалды. Аталған факті бойынша сотқа дейінгі тергеу басталды» деп хабарлады Қызылорда облысы бойынша ПД.

Экспертиза  тағайындалды. Қазіргі уақытта оқиғаның барлық мән-жайын анықтауға бағытталған кешенді тексеру шаралары жүргізілуде.