Қызмет бабында қаза тапқан өрт сөндіруші ІІІ дәрежелі «Айбын» орденімен наградталды

2023 жылдың 8 мамырында Іле-Алатау табиғи паркі тау бөктеріндегі өртті сөндіру кезінде қаза тапқан Арслан Құрманбеков ІІІ дәрежелі «Айбын» орденімен наградталды, деп хабарлайды Orda.kz.

Жарлық Ақорданың ресми сайтында жарияланды.

«Қызметтік борышын атқаруда көрсеткен батылдығы мен жанқиярлығы үшін Төтенше жағдайлар министрлігінің Алматы қаласы Төтенше жағдайлар департаменті өрт сөндіру және авариялық-құтқару жұмыстары қызметі № 7 өрт сөндіру бөлімінің аға өрт сөндіруші-құтқарушысы Арслан Жолдасбекұлы Құрманбеков ІІІ дәрежелі «Айбын» орденімен наградталсын (марқұм)» делінген жарлық мәтінінде.

Құрманбеков Арслан Жолдасбекұлы – азаматтық қорғаныс сержанты 1994 жылы 23 тамызда Алматы облысы Талғар ауданы Талғар қаласында дүниеге келген.

• ▪️Еңбек жолын Алматы қаласы ТЖД «ӨСжАҚЖҚ» ММ №9 мамандандырылған өрт сөндіру бөлімінде өрт сөндіруші-құтқарушы ретінде бастаған.
• ▪️Алматы қаласы ТЖД «ӨСжАҚЖҚ» ММ №1 өрт сөндіру бөлімінде өрт сөндіруші, аға өрт сөндіруші-құтқарушы болып қызмет атқарған.
• ▪️Төтенше жағдайлар министрлігі Алматы қаласы Төтенше жағдайлар департаменті өрт сөндіру және авариялық-құтқару жұмыстары қызметі №7 өрт сөндіру бөлімінің аға өрт сөндіруші-құтқарушысы лауазымына 2019 жылы тағайындалған.