Қызды жыныс мүшесі арқылы емдемек болған емші туралы жаңа дерек

Қорландым, молдасымақтың құрбаны болдым деген 22 жасар Аяулым бағдарлама барысында болған жайтты түгелдей баяндап берді. 

Жынысынан жын шығармақ болған емші туралы «Астарлы ақиқат» бағдарламасында айтты. 

Түркістан облысында өзін емшімін деп таныстырған Данияр есімді адам  «аз ғана біліммен халықты емдеп жүрмін» деп ашығын айтты. 

– Анам басқа бөлмеде қалды. Мені емші екінші бөлмеге алып кірді. Кішкентай ғана көрпешені емшінің әйелі төсеп берді. Бөлмеде басқа ештеңе болған жоқ. Емші өзімен бірге гинекологиялық бір құрылғыны, яғни, темірді алып кірді. Ол маған асты жағымды жалаңаш шешіп, көйлегімді жоғары көтеруімді бұйырды. «Аяғыңды көтеріп, шалқайып жат» деді.

Алдымен шүмек сияқты бір темір тықпақ болды. Сосын астың тар екен кірмей жатыр, Мен қолымды сулап тығып көрем. Сонда кіреді деді.  Сонымен қатар, қолында перчатка болған еді. Бірақ, оны қолына киместен екі саусағын мені астыма тықты. Денеңді бос ұста, ауырмайды деп айтты. Содан соң, астыма толғанша су құйды, – дейді ауруына ем іздеп барған Аяулым. 

Қыздың айтуынша емші алдымен сары сұйықтық ішкізген. Емделемін деп барып, қорланған қыз енді оның жазалануын қалайтынын айтты. 

– Өзі ауру, асты сасып кеткен ауруды не істеймін? Анасы мені мәжбүрлеп, емдеуімді өтініп қоймаған соң, екі рет астына су толтырып, бір минуттан ғана суды ұстап, екі рет астын шайдым. Болды, басқа ештеңе істеген жоқпын, – деді жасырын камераға түсіп қалған емші. 

Заңгер мен қоғам белсенділері, саусағын қызға тықпағанмен, білімі жоқ емшінің жыныс мүшесіне тигені үшін айыпталатынын айтады. Мына видеодан ешқашан басын алып қаша алмайды, деп емшінің жауапқа тартылатынын баса айтты. Заңгерлердің айтуынша мұнда Қылмыстық кодекстің 120-121 бабы бойынша жыныстық сипаттағы зорлық-зомбылық әрекеттерінің белгісі бар. 

Бағдарлама барысында, емші әр еміне 10 мың, 20 мың, 30 мыңдап алған ақшасын журналист арқылы қайтарып бергенін жасырмады.