Қызды қатты соққыға жыққан: күдіктінің анасы білім бөлімінен жұмыстан кеткен

Оқушы қызды соққыға жыққан қыздардың бірінің ата-анасы білім бөлімінде жұмыс істеген. Оқиғадан кейін ол жұмыстан кетті.

Оқиға туралы түрлі ақпараттар әлеуметтік желілерде пайда болуда.

Бүгін сауда орталығында қызды соққыға жыққан оқушы қыздың анасы мен әкесі мемлекеттік органдарда қызмет атқаратыны белгілі болды.

«Иә, бір мектеп оқушысының анасы шынымен де Өскемен қалалық білім бөлімінің қызметкері болған. Бірақ оқиғадан кейін ол өз еркімен жұмыстан кету туралы арыз жазып, қазіргі уақытта қалалық білім бөлімінде жұмыс істемейді», - деп түсіндірді altaynews.kz тілшісіне білім бөлімінің басшысы Инесса Чернышева.

Шығыс Қазақстан облысы бойынша сыбайлас жемқорлыққа қарсы қызмет қыздың әкесі департамент қызметкері емес деп түсіндірді.

Облыс полицейлері БАҚ арқылы көрінеу жалған ақпарат таратқаны үшін қылмыстық жауапкершілік қарастырылғанын еске салды.

Еске салайық, Қазнетте жасөспірім қызды сауда орталығында қорқытқан жан түршігерлік кадрлар тараған болатын. Бұл видео әп-сәтте жұртшылықтың үлкен наразылығын тудырды. Алайда, белгілі болғандай, бұл оқиға бір ай бұрын болған. Аталған факті бойынша «Бұзақылық» бабы 2-бөлігі бойынша қылмыстық іс қозғалды.

Айтпақшы, тәртіп сақшылары жасөспірімді мазақ еткендерді ғана емес, бұл видеоны әлеуметтік желіде таратқандарды да жауапқа тартуға уәде беріп отыр.