Қыздар көбірек: сайлау күні қанша сәби дүниеге келді

Қазақстандағы сайлау күні Халықаралық балаларды қорғау күнімен тұспа-тұс келді.

Президенттік сайлаудың алғашқы сағаттарында қанша бала дүниеге келгені туралы Маңғыстауда бірінші хабарланды. Жергілікті биліктің мәліметінше, облыста 16 сәби дүниеге келген: бес ұл, 11 қыз.

— Статистикаға сүйенсек, облыста соңғы жылдары ұлдар жиі туылғанымен, бүгінде қыз балалар екі есеге көп. Алайда перинаталдық орталық 00:00-ден 08:30-ға дейінгі мәліметтер болғандықтан, болжам жасамайды. Күннің соңына қарай жағдай өзгеруі мүмкін, - деп хабарлады облыстың қоғамдық коммуникациялар орталығы.

Қазақстан Республикасы Президентінің сайлауына жас аналар, перинаталдық орталықтардың қызметкерлері де қатыса алатыны атап өтілді.

Атырау облысында сайлау күні алты сәби дүниеге келді: төрт ұл және екі қыз.

Туу көрсеткіші Қарағанды ​​бойынша да  хабарланды. Әкімдіктің мәліметінше, 20 қарашада қалада екі қыз, төрт ұл дүниеге келген.

Еске салайық, Дүниежүзілік балалар күнін 1954 жылы Біріккен Ұлттар Ұйымының Бас Ассамблеясы жариялаған болатын. 1959 жылы 20 қарашада Бала құқықтарының Декларациясы, 1989 жылы Бала құқықтары туралы конвенция қабылданған.