Қытайдың Үрімжі қаласы жаппай наразылыққа шықты

Қытайдың Шыңжаң-Ұйғыр автономиялық ауданы Үрімжі қаласынның тұрғындары ковидке қарсы жаңа қатаң шектеулерге қарсы жаппай наразылыққа шықты. 

Бұл туралы ВВС хабарлайды.

Ақпаратқа сәйкес, наразылық 10 адам қаза тапқан көпқабатты тұрғын үйдегі өрттен кейін басталған.

Кадрларда бетперде киген жергілікті тұрғындардың қараңғы түскеннен кейін қала көшелеріне жиналып жатқанын көруге болады. Осыдан кейін билік өкілдерімен қақтығыс басталады, адамдар: «Ковидті локдаунға жол жоқ!» деп ұрандатады.

A rare but powerful protest against tyranny in Urumqi brought communities of the different races together. pic.twitter.com/UTXA7NOkZe

— Rayhan E. Asat (@RayhanAsat) November 26, 2022

Тағы бір видеода халық тәртіпсіздікке қарсы қала жұмысшылары ұстап тұрған бөгетті бұзып өтіп жатыр.

Reuters демонстрация өткен жердің орнын растады. Адамдар қалалық әкімдіктің алдына жиналды.

«Нөлдік ковид»

Ресми Бейжің «нөлдік ковид» саясатын жалғастыруда. Дегенмен, инфекциялар саны өсуде және жергілікті тұрғындар шектеулерге наразылықтарын білдіруде.

Басқа елдер вакциналауға және вируспен өмір сүруді үйренуге сенгенімен, Қытай әрбір кейінгі індет сайын қатаң шектеулерден өтті. Тіпті оқшауланған жағдайларға байланысты билік бүкіл қалаларды толығымен жауып тастады.

Шыңжаң-Ұйғыр автономиялық ауданының астанасы Үрімжі тамыз айының басынан бері жабық тұр. Бұған дейін тұрғындардың бірі BBC-ге өрт шыққан кешен тұрғындарына үйлерінен шығуға тыйым салынғанын айтқан.

Үрімжі билігі ковид шектеулері адамдардың өрттен қашып кетуіне кедергі жасамады деп мәлімдеді. Тіпті әдеттен тыс қадамға барып: өз міндеттерін орындамағандардың барлығын жазалауға уәде беріп, кешірім сұрады.

Қытайда интернет қатты цензураға ұшыраған және сенбі күні таңертең Үрімжідегі наразылық акциялары туралы айтылғандардың барлығы дерлік әлеуметтік желілерден алынып тасталды.

Көптеген БАҚ Үрімжідегі бейсенбі күні адамдардың өмірін қиған өртке электр сымдарының ақауы себеп болған көрінеді және ковид шектеулері өртті сөндіруге кедергі келтірді деп жазды.

Жұма күні кешке қала шенеуніктері мұны жоққа шығарып, өрт сөндіруге үй сыртында тұрған көліктер кедергі болды деп мәлімдеді. Олар өрт сөндіру көліктерінің өртеніп жатқан ғимаратқа кіруіне кедергі келтірді деген болжам жасады.

Қытайда наразылықтар сирек кездеседі, дегенмен халықтың Бейжіңнің коронавирусқа қарсы саясатына наразылығы артып келеді.