Қытай сыртқы істер министрлігі елшісінің даулы мәлімдемесін түсіндірді

Қытай посткеңестік елдердің егемендігі жайлы Франциядағы елшісінің даулы сұхбатын жойып жіберді.

Ресми Пекин КСРО тарағаннан кейін тәуелсіздік алған елдердің бәрінің аумақтық тұтастығын сыйлайтынын мәлімдеді.

Дүйсенбі күні таңертең елшілік ресми WeChat аккаунтында елші Лу Шаенің қытай және француз тілдеріндегі сөйлеген сөзінің толық нұсқасын жариялаған. Дегенмен, Бейжің уақыты бойынша түске таман сілтеме «автор алып тастады» деген ескертпемен жойылды. Сұхбат елшіліктің ресми сайтында да жарияланған жоқ.

Еске сала кетсек, Қытайдың Франциядағы елшісі Лу Шае таяуда КСРО жайлы күтпеген сөз айтып, айды аспанға шығарған-тын. Алдымен, журналист елшіден «Қырым қай елдің аумағы?» деп сұраған. Бұл сұраққа елші «сіз қалай қабылдайсыз – соған байланысты» деп жауап береді.