Қыс бойы туристер Бурабай  маңындағы көлдерге үш тонна қоқыс тастап кеткен

Бурабай мемлекеттік ұлттық табиғи паркінің (МҰТП) инспекторлары Шортанды -Бурабай курорттық аймағы көлдерінде  қысқы кезеңде үш тоннадан астам қоқыс жиналып қалған.

«МҰТП қызметкерлері мұз ерігеннен кейін су астында қалмас үшін көлдерді балықшылар мен дала әуесқойлары қалдырған қоқыстардан тазартады. Сонымен бірге олар демалушылармен профилактикалық әңгімелесулер жүргізеді»  делінген ҚР Президенті Әкімшілігінің баспасөз қызметі таратқан хабарламада.

Қысқы маусымда Бурабай, Шортанды және Кіші Шабақты  көлдерінің мұз жамылғысын тазарту бойынша соңғы ауқымды акция 24 наурызда өтті. Оған орман шаруашылығы инспекторлары мен әуесқой балықшылар болып, 45 адам қатысты. Олар 35 келіден астам тұрмыстық қалдықтарды жинады.

МҰТП-ның экологиялық жауапкершілігі аймағында 23 көл бар. Олардың ең ірі бесеуі – Шортанды, Бурабай, Үлкен және Кіші Шабақты, Қатаркөл көлдерінің мұз жамылғысы 10,5 мың гектардан асады.