Қырғызстанның шекаралас ауылдарындағы қақтығыстарда 100-ден астам адам жарақат алды

Қырғызстан Денсаулық сақтау министрлігінің мәліметі бойынша, 2022 жылдың 17 қыркүйегінде таңғы сағат 9-дағы жағдай бойынша, Баткен облысындағы қарулы қақтығыс құрбандарының саны 103 адамға жетті.

Бұл ретте зардап шеккен бес адам амбулаторлық емделуге жіберілді, қалғандарына медициналық ұйымдарда көмек көрсетіледі.

24.kg ақпарат агенттігінің хабарлауынша, Бішкекте зардап шеккендерге қан тапсырғысы келетіндер кезекке тұрған.

Бұған дейін 16 қыркүйек күні таңертең Қырғызстан мен Тәжікстан шекарасындағы бірнеше учаскеде атыс басталғаны хабарланған болатын. Лейлек және Баткен өңірлеріндегі елді мекендер оқтың астында қалды.

Қырғыз-тәжік шекарасындағы қарулы қақтығыс салдарынан Баткен және Лейлек аудандарындағы жеті ауылдың, сондай-ақ Ош облысының Шоң-Алай ауданындағы Жекенді ауылының тұрғындары үйлерін тастап кеткен.

Қырғыз Республикасы мен Тәжікстан Республикасының президенттері Садыр Жапаров пен Эмомали Рахмон атысты тоқтату туралы келісімге келді. Бірақ, соңғы мәліметтер бойынша, келісімдер бұзылған.