Қырғызстанның білім министрі ақша бопсалады деген күдікпен ұсталды

Қырғызстанның Білім және ғылым министрі Алмазбек Бейшеналиев ірі көлемде пара алды деген күдікпен ұсталды, деп хабарлайды елдің ішкі істер министрлігі.

«Қазіргі таңда шетелдік студенттердің ұлттық жоғары оқу орындарына түсуі кезінде аса ірі көлемде (110 мың доллар) пара алу фактісі тексерілуде. Қылмыстық істі тергеу нәтижелері туралы барлық толық ақпарат кейінірек беріледі» делінген ІІМ хабарламасында.

41 жастағы Алмазбек Бейшеналиев педагогика ғылымдарының кандидаты, тарих ғылымдарының докторы. 2020 жылы Қырғызстанның білім және ғылым министрі болып тағайындалды.